Колькі ў табе бульбін? На гэта пытанне цяпер адказваюць на Камароўцы
Новы арт-аб'ект «Шалі з СССР» адкрылі на Камароўцы. Фішка не толькі ў рэтра-дызайне — новыя шалі паказваюць не кілаграмы, а колькасць бульбін у вас.
На Камароўскім рынку адкрылі незвычайную інсталяцыю «Шалі з СССР». Тут можна даведацца сваю вагу ў бульбінах.
Арганізатары тлумачаць такі падыход так: «Чаму бульба? Ды таму што гэта наш беларускі гастранамічны код!»
Згодна з інструкцыяй, якая размешчана на інсталяцыі, камп'ютарная сістэма шаляў так вядзе свой падлік — адна адборная бульбіна важыць 105 грамаў.
Арганізатары запрашаюць усіх ахвочых на Камароўку, у тым ліку і каб зрабіць свежыя цікавыя фоты.