У Жлобінскім раёне маланка ўдарыла ў пілараму

Ратавальнікі ліквідавалі пажар на пілараме ў Жлобінскім раёне. Паведамленне пра ўзгаранне паступіла ў МНС уначы: здарэнне адбылося ў вёсцы Праскурні.

Скрыншот з відэа

Калі пажарныя падраздзяленні прыбылі на месца, там ужо на ўсю моц шугала адкрытае гарэнне — гарэў драўляны склад, а таксама складзеныя штабелі дроў.

Ратавальнікі аператыўна справіліся з агнём і поўнасцю ліквідавалі пажар. На шчасце, ніхто не пацярпеў.

Дакладная прычына ўзгарання пакуль высвятляецца. Аднак сярод асноўных версій разглядаецца ўздзеянне прыродных сіл, удар маланкі.

Каментары да артыкула