«Ён мае звычку крыху тупавата прыдумляць пастфактум». У Зяленскага адрэагавалі на заяву Лукашэнкі
Адказваючы на пытанне выдання «РБК-Украіна» дарадца прэзідэнта Украіны Дзмітрый Літвін без усялякай дыпламатыі ацаніў заявы Лукашэнкі пра адсутнасць агрэсіўных планаў і гатоўнасць сустрэцца з Зяленскім дзеля міру, хоць бы і прыехаўшы ва Украіну.
Аляксандр Лукашэнка з Уладзімірам Пуціным. Фота: AP Photo Pavel Bednyakov
Дзмітрый Літвін падкрэсліў, што заявы Лукашэнкі нічога не значаць яшчэ з 2022 года, калі Беларусь стала плацдармам для агрэсіі Расіі.
«Таму сочым за яго дзеяннямі. Лукашэнка мае звычку крыху тупавата прыдумляць пастфактум, адкуль на яго «рыхтаваўся напад». Пра што тут гаварыць», — сказаў дарадца Зяленскага.
Ён дадаў, што сам Зяленскі сёння быў у Славуцічы паблізу мяжы з Беларуссю, і там абмяркоўваў з мясцовымі грамадамі пытанні бяспекі.
Чытайце таксама:
Лукашэнка заявіў пра гатоўнасць прыехаць у Кіеў
Пачалася сумесная трэніроўка ядзерных сіл Беларусі і Расіі
Статкевіч: Ядзерная трэніроўка ў Беларусі — гэта пагроза, найперш, Еўропе
Пяскоў звінаваціў Зяленскага ў падбухторванні з-за слоў пра Беларусь
Зяленскі: Масква спрабуе ўцягнуць Мінск у вайну супраць Украіны альбо аперацыю супраць краіны НАТА