«Белавія» аднавіла палёты ў Дубай
Раніцай Boeing 737‑8 вылецеў з Мінска, паспяхова прызямліўся ў міжнародным аэрапорце Дубая, а цяпер накіроўваецца назад у Мінск, паведаміла авіякампанія.
На пачатковым этапе рэйсы запланаваны 2 разы на тыдзень: па аўторках і пятніцах. У ліпені, па меры росту попыту, частата палётаў будзе павялічвацца.
Палёты ў Дубай былі прыпыненыя ў пачатку сакавіка з-за ваеннага канфлікту на Блізкім Усходзе і небяспекі палётаў ў раёне Персідскага заліву і Ірана.