Міністр замежных спраў Украіны анансаваў візіт Ціханоўскай у Кіеў
Андрэй Сібіга паведаміў пра запланаваны візіт ва Украіну лідаркі дэмакратычных сіл Беларусі Святланы Ціханоўскай, паведаміла агенцтва «Інтэрфакс-Украіна».
Святлана Ціханоўская і Андрэй Сібіга
«Украіна кантактуе з прадстаўнікамі дэмакратычных сіл Беларусі. І адной з лідарак гэтых прадстаўнікоў з’яўляецца спадарыня Ціханоўская. І мы будзем яе вітаць у Кіеве, таму што для нас важна падтрымліваць сувязі з беларускім народам», — сказаў Андрэй Сібіга падчас анлайн-сустрэчы з журналістамі 22 мая.
Міністр падкрэсліў, што для Украіны важна, каб Беларусь «не ператварылася ў бяспраўную правінцыю Расіі».
«Мы ведаем, чым гэта заканчваецца», — дадаў ён.
Чытайце таксама:
Ціханоўская падзякавала Зяленскаму за папярэджанні адносна Беларусі
Зяленскі яшчэ раз папярэдзіў Лукашэнку пра наступствы ўступлення ў вайну
«Ён мае звычку крыху тупавата прыдумляць пастфактум». У Зяленскага адрэагавалі на заяву Лукашэнкі
Лукашэнка заявіў пра гатоўнасць прыехаць у Кіеў
Зяленскі даручыў МЗС падрыхтаваць дадатковыя меры дыпламатычнага ўплыву ў дачыненні Беларусі