Больш за 13 тысяч мінскіх выпускнікоў сабралі на «Мінск-Арэне». Слухалі Лёшу Свіка ФОТЫ
На апошні званок у «Мінск-арэну» запрасілі ўсіх мінскіх адзінаццацікласнікаў — амаль 13,5 тысяч чалавек, паведамляе агенцтва «Мінск-Навіны».
Тэматыка мерапрыемства марская: свята праходзіць у выглядзе шоу-круізу «Па хвалях Мінскага мора», з дэкарацыямі ў выглядзе караблёў, вядучым-капітанам, мелодыямі з «Піратаў Карыбскага мора» і сучаснай версіяй матроскага танца «Яблычка» ў выкананні юных танцораў.
Не абышлося і без чыста ідэалагічных элементаў — у тым ліку выканання хорам дзяржаўнага гімна.
Наведалі мерапрыемства таксама старшыня Мінскага гарвыканкама Уладзімір Кухараў і міністр адукацыі Андрэй Іванец, якія звярнуліся да выпускнікоў з прамовамі.
Андрэй Іванец падзяліўся бліскучымі перспектывамі:
«Мы са свайго боку адчынілі дзверы ВНУ і каледжаў. Чакаем сёлета больш за 49 тысяч першакурснікаў у ВНУ і практычна 70 тысяч навучэнцаў у каледжах».
Хедлайнерам вечара стаў расійскі выканаўца Лёша Свік.
Чытайце таксама:
Сёння ў школах — апошні званок
Хэдлайнерам на «Мінск-арэне» на апошнім званку будзе Лёша Свік