Пяць краін НАТА выступілі супраць ідэі выдзяляць не менш за 0,25% ВУП на падтрымку Украіны
Праз гэта ініцыятыва не будзе зацверджана на саміце НАТА ў Анкары.
AP Photo/Geert Vanden Wijngaert
Пяць краін НАТА выступілі супраць ідэі выдзяляць не менш за 0,25% ВУП на падтрымку Украіны, піша The Telegraph са спасылкай на крыніцы ў Альянсе.
Гаворка ідзе пра Вялікабрытанію, Францыю, Іспанію, Італію і Канаду. Паводле звестак выдання, праз гэта ініцыятыва не будзе зацверджана на саміце НАТА ў Анкары.
У той жа час прапанову падтрымалі краіны Балтыі, Польшча, Нідэрланды і частка краін Паўночнай Еўропы — гэтыя саюзнікі ўжо трацяць на падтрымку Украіны больш за 0,25% свайго ВУП.