Консульства Румыніі ў Мінску прыпыніла дзейнасць
Зараз падавацца на румынскую візу трэба ў Маскве.
22 мая консульскі аддзел пасольства Румыніі ў Мінску прыпыняе працу, падача дакументаў на візы зараз недаступная.
Каб аформіць румынскую візу, беларусам прапануюць звяртацца ў консульскі аддзел пасольства Румыніі ў Расіі: вул. Масфільмаўская, 64, тэл. +7 499 143 0430.
У Мінску дыпмісія працягвае працаваць у абмежаваным рэжыме — яна займаецца экстранымі выпадкамі і дапамогай грамадзянам Румыніі, уключаючы выдачу тэрміновых дакументаў і консульскую падтрымку ў неадкладных сітуацыях.