Ціханоўская і Зяленскі правялі ў Кіеве перамовы за закрытымі дзвярыма
Што абмяркоўвалі?
Святлана Ціханоўская і Уладзімір Зяленскі. Фота: ОСЦ
У аўторак прэзідэнт Украіны Уладзімір Зяленскі сустрэўся з лідаркай беларускай апазіцыі Святланай Ціханоўскай за закрытымі дзвярыма.
Яны абмяркоўвалі пытанні супрацоўніцтва з беларускімі дэмакратычнымі сіламі (стварэнне міжведамаснай групы і прызначэнне спецпрадстаўніка па Беларусі, каб вырашаць канкрэтныя праблемы), санкцыйны ціск на рэжым Лукашэнкі, а таксама праблемы з легалізацыяй беларусаў, якія жывуць ва Украіне. Зяленскі перадаў задачу гэтым заняцца.
У складзе дэлегацыі Ціханоўскай на сустрэчы былі Павел Латушка, Франак Вячорка і Дзяніс Кучынскі
Учора Святлана Ціханоўская пачала афіцыйны візіт ва Украіну.