Радыкальныя змены ў транспартнай схеме Магілёва: закрыццё праспекта Міру закране 27 маршрутаў

У сувязі з узвядзеннем унутрыгарадской кальцавой магістралі Магілёў чакае беспрэцэдэнтныя змены ў маршрутах грамадскага транспарту. З 29 мая цалкам перакрываецца рух на найважнейшым участку праспекта Міру, што прывядзе да змены руху амаль паловы гарадскога транспарту.

Маршрутка на скрыжаванні праспекта Міру з вуліцамі Касманаўтаў і Якубоўскага. Фота: тэлеграм Магілёўскага гарвыканкама

Рух транспарту на ўчастку праспекта Міру ад скрыжавання з вуліцамі Касманаўтаў і Якубоўскага да Магілёўскага абласнога цэнтра творчасці будзе спынены 29 мая ў 12:00. Гэтыя захады звязаныя з актыўнай фазай будаўніцтва новай транспартнай развязкі, якая ў перспектыве павінна злучыць розныя раёны горада ў абход цэнтра.

Для забеспячэння працы грамадскага транспарту дарожныя службы ў спешным парадку абсталявалі новыя разваротныя пляцоўкі на вуліцы Касманаўтаў у раёне дома №1, на вуліцы Якубоўскага і непасрэдна на праспекце Міру каля цэнтра творчасці. Агулам змены закранаюць дванаццаць аўтобусных, чатыры тралейбусныя і адзінаццаць прыватных ліній.

29 мая рух транспарту на ўчастку праспекта Міру ад скрыжавання з вуліцамі Касманаўтаў і Якубоўскага да Магілёўскага абласнога цэнтра творчасці будзе спынены. Фота: тэлеграм Магілёўскага гарвыканкама

Тралейбусны парк з-за прывязкі да кантактнай сеткі вымушаны дзейнічаць максімальна радыкальна. Маршруты №16 і №16д цалкам скасоўваюцца і хадзіць не будуць.

Дзеля кампенсацыі нязручнасцяў на ўвесь перыяд перакрыцця ўчастка праспекта Міру ўводзіцца правіла ўніверсальнага праязнога. Аўтобусныя квіткі цяпер паўнавартасна дзейнічаюць у тралейбусах, і наадварот.

Далей прыведзены дакладны новых схем руху ўсяго пацярпелага транспарту.

Што будуюць?

Будаўніцтва развязкі на скрыжаванні праспекта Міру з вуліцамі Касманаўтаў і Якубоўскага. Фота: Могилев Live

Маштабны інфраструктурны праект, які пачалі рэалізоўваць у 2023 годзе, павінен разгрузіць гістарычны цэнтр горада ад унутранага трафіку. Адкрыты чатыры гады таму паўднёва-заходні абход (траса М15) паспяхова вывеў з вуліцы Якубоўскага транзітныя фуры, а цяпер новая шасціпалосная магістраль даўжынёй каля пяці кіламетраў наўпрост злучыць вуліцу Каралёва з вуліцай Касманаўтаў. Праект прадугледжвае ўзвядзенне трох транспартных кольцаў, два з якіх ужо функцыянуюць.

Будаўніцтва чарговага падземнага пераходу ў горадзе. Фота: Могилев Live

На гэты момант актыўныя працы ідуць на трэцім кальцы (скрыжаванне праспекта Міру і Якубоўскага), дзе будуецца падземны пешаходны пераход даўжынёй 60 метраў з ліфтамі і трыма лесвічнымі сходамі.

Апоры новага пуцеправода на скрыжаванні праспекта Міру з вуліцамі Касманаўтаў і Якубоўскага. Фота: Могилев Live

Транспартная артэрыя ўключае два пуцеправоды, якія дазволяць размеркаваць патокі на розных узроўнях без спынення руху. Адзін з іх, працягласцю звыш 560 метраў, пройдзе над чыгуначнымі пуцямі і вуліцай Першамайскай, другі, даўжынёй звыш 250 метраў, узводзіцца над чыгункай каля пешаходнага моста паміж праспектам Міру і вуліцай Арлоўскага. Поўнае завяршэнне ўсіх 22 чэргаў будаўніцтва і ўвод магістралі ў эксплуатацыю запланаваны на 2028 год.

Аўтобусныя маршруты

Аўтобусны маршрут №4. Фота: Магілёўскі гарвыканкам

• Маршрут №4: рух па вуліцы Лазарэнкі — вуліцы Касманаўтаў — праспекце 17 Верасня — вуліцы Пысіна — вуліцы Якубоўскага.

Аўтобусны маршрут №5. Фота: Магілёўскі гарвыканкам

• Маршрут №5: рух па вуліцы Бялыніцкага-Бірулі — вуліцы Куляшова — вуліцы Пысіна — праспекце 17 Верасня — вуліцы Касманаўтаў — праспекце Шміта — вуліцы Астроўскага — Пушкінскім праспекце — вуліцы Каралёва — праспекце Міру — вуліцы Піянерскай — вуліцы Чалюскінцаў — вуліцы Касманаўтаў — праспекце 17 Верасня — вуліцы Пысіна — вуліцы Бялыніцкага-Бірулі.

Аўтобусны маршрут №9. Фота: Магілёўскі гарвыканкам

• Маршрут №9: рух па вуліцы Першамайскай — вуліцы Лазарэнкі — вуліцы Касманаўтаў — праспекце 17 Верасня — вуліцы Пысіна — вуліцы Якубоўскага (з заездам на разваротную пляцоўку на скрыжаванні праспекта Міру і вуліцы Касманаўтаў выключна пры руху ў бок вуліцы Сурганава) — вуліцы Сурганава.

Аўтобусны маршрут №10. Фота: Магілёўскі гарвыканкам

• Маршрут №10: рух па вуліцы Першамайскай — вуліцы Лазарэнкі — вуліцы Касманаўтаў (да разваротнай пляцоўкі каля МДУ імя Куляшова) — вуліцы Будаўнікоў — плошчы Касманаўтаў (заезд на разваротную пляцоўку ў абодвух напрамках).

Аўтобусны маршрут №12. Фота: Магілёўскі гарвыканкам

• Маршрут №12: рух па вуліцы Першамайскай — вуліцы Лазарэнкі — вуліцы Касманаўтаў — праспекце 17 Верасня — вуліцы Пысіна — вуліцы Якубоўскага — вуліцы Бялыніцкага-Бірулі (у абодвух напрамках).

Аўтобусны маршрут №23. Фота: Магілёўскі гарвыканкам

• Маршрут №23: рух па вуліцы Бялыніцкага-Бірулі — вуліцы Якубоўскага — вуліцы Пысіна — праспекце 17 Верасня — вуліцы Касманаўтаў — вуліцы Чалюскінцаў — вуліцы Піянерскай — праспекце Міру — вуліцы Каралёва — Пушкінскім праспекце — вуліцы Астроўскага — праспекце Шміта — праспекце 17 Верасня — вуліцы Пысіна — вуліцы Якубоўскага — вуліцы Бялыніцкага-Бірулі.

Аўтобусны маршрут №28. Фота: Магілёўскі гарвыканкам

• Маршрут №28: рух па Загараднай шашы — вуліцы Бялыніцкага-Бірулі — вуліцы Пысіна — праспекце 17 Верасня — вуліцы Касманаўтаў — вуліцы Лазарэнкі — вуліцы Першамайскай (у абодвух напрамках).

Аўтобусны маршрут №30. Фота: Магілёўскі гарвыканкам

• Маршрут №30: рух па дзеючай схеме да разваротных пляцовак на скрыжаванні праспекта Міру і вуліцы Касманаўтаў.

Аўтобусны маршрут №32. Фота: Магілёўскі гарвыканкам

• Маршрут №32: рух па дзеючай схеме да разваротнай пляцоўкі на скрыжаванні праспекта Міру і вуліцы Касманаўтаў.

Аўтобусны маршрут №34. Фота: Магілёўскі гарвыканкам

• Маршрут №34: рух па дзеючай схеме да разваротнай пляцоўкі на скрыжаванні праспекта Міру і вуліцы Касманаўтаў.

Аўтобусны маршрут №38. Фота: Магілёўскі гарвыканкам

• Маршрут №38: рух па вуліцы Першамайскай — вуліцы Лазарэнкі — вуліцы Касманаўтаў — праспекце 17 Верасня — вуліцы Пысіна — вуліцы Якубоўскага — вуліцы Бялыніцкага-Бірулі — вуліцы Пысіна — праспекце 17 Верасня — вуліцы Касманаўтаў — вуліцы Лазарэнкі — вуліцы Першамайскай.

Аўтобусны маршрут №41. Фота: Магілёўскі гарвыканкам

• Маршрут №41: рух па вуліцы Піянерскай — вуліцы Лазарэнкі — вуліцы Касманаўтаў (да разваротнай пляцоўкі каля МДУ імя Куляшова) — вуліцы Будаўнікоў — плошчы Касманаўтаў (заезд на разваротную пляцоўку ў абодвух напрамках).

Тралейбусныя маршруты

Тралейбусны маршрут №3. Фота: Магілёўскі гарвыканкам

Тралейбусны маршрут №5к. Фота: Магілёўскі гарвыканкам

• Маршруты №16 і №16д: цалкам адмененыя.
• Маршрут №3: рух па маршруце ЦЭЦ-2 — вуліца Габраўская — Пушкінскі праспект — вуліца Першамайская — завулак Ватуціна (у абодвух напрамках).
• Маршрут №5к: рух па маршруце ЦЭЦ-2 — праспект Шміта — плошча Касманаўтаў — МДУ імя Куляшова (у абодвух напрамках).

Маршрутныя таксі

(тлустым вылучаны змены ў маршрутах)

Маршруты №№ 7-ТК, 7к-ТК. Фота: Магілёўскі гарвыканкам

• Маршрут №7-ТК: вуліца Фаціна — вуліца Маўчанскага — праспект Дзімітрава — вуліца Каралёва — вуліца Ленінская (праспект Міру) — вуліца Першамайская — вуліца Лазарэнкі — вуліца Касманаўтаў (разварот у раёне дома №1) — вуліца Лазарэнкі (Віленскі рынак) — вуліца Будаўнікоў — праспект 17 Верасня — праспект Шміта — вуліца Астроўскага — Пушкінскі праспект — праспект Дзімітрава — вуліца Маўчанскага — вуліца Фаціна (кальцавы).

• Маршрут №7К-ТК: вуліца Фаціна — вуліца Маўчанскага — праспект Дзімітрава — Пушкінскі праспект — вуліца Астроўскага — праспект Шміта — вуліца Касманаўтаў — праспект 17 Верасня — вуліца Заслонава — вуліца Будаўнікоў — вуліца Касманаўтаў (разварот у раёне дома №1) — вуліца Лазарэнкі — вуліца Першамайская — БРУ (праспект Міру) — вуліца Каралёва — праспект Дзімітрава — вуліца Маўчанскага — вуліца Фаціна (кальцавы).

Маршруты №№ 8-ТК, 23-ТК, 36-ТК, 43-ТК. Фота: Магілёўскі гарвыканкам

• Маршрут №8-ТК: вуліца Храмянкова (пасёлак Новае Пашкава) — вуліца Маладзёжная — Мінская шаша — вуліца Льва Сапегі — вуліца Цішкі Гартнага — вуліца Грунвальдская — Мінская шаша — вуліца Якубоўскага — вуліца Якубоўскага (разварот насупраць былых «Спорттавараў») — вуліца Пысіна — праспект 17 Верасня — вуліца Касманаўтаў — вуліца Касманаўтаў (разварот у раёне дома №1) — вуліца Лазарэнкі — вуліца Першамайская — вуліца Грышына (чыгуначны вакзал) — вуліца Крупскай — вуліца Падгорная — вуліца Цэнтральная ГУА — вуліца Комплексная — вуліца Дачная — вуліца Саламоннікава (вёска Калінавая).

• Маршрут №10-ТК: вуліца Фаціна — вуліца Маўчанскага — праспект Дзімітрава — Пушкінскі праспект — вуліца Чалюскінцаў — вуліца Касманаўтаў — праспект 17 Верасня — вуліца Пысіна — вуліца Якубоўскага (разварот насупраць былых «Спорттавараў») — вуліца Якубоўскага — вуліца Бялыніцкага-Бірулі — бульвар Андрэя Мрыя (вёска Гарадшчына-2).

• Маршрут №23-ТК: вуліца Бялыніцкага-Бірулі (Абласная бальніца) — вуліца Якубоўскага — вуліца Якубоўскага (разварот насупраць былых «Спорттавараў») — вуліца Пысіна — праспект 17 Верасня — вуліца Касманаўтаў — вуліца Касманаўтаў (разварот у раёне дома №1) — вуліца Лазарэнкі — вуліца Першамайская — праспект Міру — вуліца Каралёва — праспект Дзімітрава — завулак Тагільскі — вуліца Сасновая — вуліца Паўлава (Магілёўская бальніца №1) — Слаўгарадская шаша — Пушкінскі праспект — вуліца Піянерская — вуліца Камсамольская — вуліца Лазарэнкі — вуліца Касманаўтаў — вуліца Якубоўскага — вуліца Бялыніцкага-Бірулі.

Маршруты №№ 10-ТК, 26-ТК, 31-ТК, 37-ТК. Фота: Магілёўскі гарвыканкам

• Маршрут №26-ТК: вуліца Маневіча (пасёлак Малая Бароўка) — вуліца Цютчава — вуліца Кісялёва — траса Р-122 — Чавуская шаша — Віцебскі праспект — праспект Дзімітрава — вуліца Маўчанскага — вуліца Габраўская — Пушкінскі праспект — вуліца Чалюскінцаў — вуліца Касманаўтаў — праспект 17 Верасня — вуліца Пысіна — вуліца Якубоўскага (разварот насупраць былых «Спорттавараў») — вуліца Якубоўскага — вуліца Бялыніцкага-Бірулі (Абласная бальніца).

• Маршрут №31-ТК: вуліца Чырваназорная (мікрараён Казіміраўка) — вуліца Цішкі Гартнага — вуліца Грунвальдская — Мінская шаша — Загарадная шаша — вуліца Якубоўскага — вуліца Якубоўскага (разварот насупраць былых «Спорттавараў») — вуліца Пысіна — праспект 17 Верасня — вуліца Касманаўтаў — вуліца Чалюскінцаў — Пушкінскі праспект — вуліца Астроўскага — вуліца Сіманава — вуліца Куцепава — вуліца Саянская — вуліца Ангарская — вуліца Алтайская (гаражны масіў).

Маршрут №34-ТК. Фота: Магілёўскі гарвыканкам

• Маршрут №34-ТК: вуліца Крывуліна (АЗС) — вуліца Крупскай — вуліца Бялінскага — вуліца Першамайская (чыгуначны вакзал) — вуліца Першамайская — вуліца Лазарэнкі — вуліца Касманаўтаў (Віленскі рынак) — вуліца Касманаўтаў (разварот у раёне дома №1) — праспект 17 Верасня — паварот на Абласную бальніцу — вуліца Бялыніцкага-Бірулі — вуліца Якубоўскага — вуліца Пысіна — праспект 17 Верасня — вуліца Касманаўтаў — вуліца Касманаўтаў (разварот у раёне дома №1) — вуліца Лазарэнкі — вуліца Першамайская — вуліца Грышына (чыгуначны вакзал) — вуліца Крупскай — вуліца Крывуліна.

• Маршрут №36-ТК: вуліца Кляновая (Старачавуская) — вуліца Кісялёва — завулак Кісялёва — траса Р-122 — Чавуская шаша — Віцебскі праспект — праспект Дзімітрава — Пушкінскі праспект — вуліца Астроўскага — праспект Шміта — вуліца Чалюскінцаў — вуліца Піянерская — праспект Міру — вуліца Першамайская — вуліца Лазарэнкі — вуліца Касманаўтаў — праспект 17 Верасня — вуліца Пысіна — вуліца Якубоўскага (разварот насупраць былых «Спорттавараў») — вуліца Якубоўскага — Загарадная шаша — Мінская шаша (ТЦ «Парк Сіці») — вуліца Грунвальдская — вуліца Цішкі Гартнага — вуліца Льва Сапегі — Мінская шаша — Загарадная шаша — вуліца Якубоўскага — вуліца Пысіна — праспект 17 Верасня — вуліца Касманаўтаў — вуліца Касманаўтаў (разварот у раёне дома №1) — вуліца Лазарэнкі — вуліца Камсамольская — вуліца Піянерская — вуліца Чалюскінцаў — праспект Шміта — вуліца Астроўскага — Пушкінскі праспект — праспект Дзімітрава — Віцебскі праспект — Чавуская шаша — траса Р-122 — завулак Кісялёва — вуліца Кісялёва — вуліца Кляновая.

• Маршрут №37-ТК: траса Р-96 (Любуж) — Віцебскі праспект — праспект Дзімітрава — Пушкінскі праспект — вуліца Чалюскінцаў — вуліца Касманаўтаў — вуліца Касманаўтаў (Віленскі рынак) — праспект 17 Верасня — вуліца Пысіна — вуліца Якубоўскага (разварот насупраць былых «Спорттавараў») — вуліца Якубоўскага — Загарадная шаша — Мінская шаша — вуліца Грунвальдская — вуліца Цішкі Гартнага — вуліца Чырваназорная (мікрараён Казіміраўка).

• Маршрут № 43‑ТК (прамы напрамак): вуліца Зялёная (Прысна-2) — вуліца Шасэйная — вуліца Цэнтральная — траса М-4 — вуліца Льва Сапегі — вуліца Цішкі Гартнага — вуліца Чырваназорная (мікрараён Казіміраўка) — вуліца Грунвальдская — Мінская шаша — Загарадная шаша — вуліца Якубоўскага — вуліца Якубоўскага (разварот насупраць былых «Спорттавараў») — вуліца Пысіна — праспект 17 Верасня — вуліца Касманаўтаў — вуліца Касманаўтаў (разварот у раёне дома №1) — вуліца Лазарэнкі — вуліца Камсамольская — вуліца Піянерская — вуліца Чалюскінцаў — траса Р-93 — вуліца Легендарная (пасёлак Буйнічы) — ААТ «Райаграпрамтэхніка».

• Маршрут № 43‑ТК (зваротны напрамак): ААТ «Райаграпрамтэхніка» — вуліца Легендарная (пасёлак Буйнічы) — траса Р-93 — вуліца Чалюскінцаў — вуліца Лазарэнкі — вуліца Касманаўтаў (разварот у раёне дома №1) — вуліца Касманаўтаў — праспект 17 Верасня — вуліца Пысіна — вуліца Якубоўскага (разварот насупраць былых «Спорттавараў») — вуліца Якубоўскага — Загарадная шаша — Мінская шаша — вуліца Грунвальдская — вуліца Цішкі Гартнага — вуліца Чырваназорная (мікрараён Казіміраўка) — вуліца Льва Сапегі — траса М-4 — вуліца Цэнтральная (Прысна-1) — вуліца Шасэйная (Прысна-1) — вуліца Зялёная (Прысна-2).

Каментары да артыкула