Сабаленка застанецца першай ракеткай свету па выніках «Ралан Гарос»
Зрушыць яе магла толькі прадстаўніца Казахстана Алена Рыбакіна, другая ракетка свету.
Фота: Robert Prange/Getty Images
Каб абагнаць у рэйтынгу найлепшых тэнісістак свету, Рыбакінай трэба было выступіць на турніры лепш за Сабаленку. Але Алена ўчора сенсацыйнай прайграла ўкраінцы Юліі Старадубавай (6:3, 1:6, 6:7) ужо ў другім крузе.
Арына сёння ў трэцім раўндзе згуляе з францужанкай Элізай Жакмо (пачатак а 16:30).
У мінулым годзе Сабаленка дайшла да фіналу «Ралан Гарос», дзе прайграла амерыканцы Како Гаўф.
Беларуска займае першы радок сусветнага тэніса з 19 кастрычніка 2024 года.