У Гомелі з 15‑га паверха ўпаў 17‑гадовы хлопец
Увечары 28 мая 17‑гадовы хлопец упаў з балкона агульнага карыстання, які знаходзіцца на 15‑м паверсе шматпавярховага дома. Ад атрыманых траўмаў ён загінуў на месцы здарэння, паведамляе Следчы камітэт.
Здымак ілюстрацыйны. Фота: «Гомельские ведомости»
Гомельскі гарадскі аддзел Следчага камітэта праводзіць праверку, каб устанавіць усе абставіны, а таксама прычыны і ўмовы, што прывялі да трагедыі.
На гэты момант адной з асноўных версій разглядаецца няшчасны выпадак. Канчатковая ацэнка будзе дадзена пасля комплекснага вывучэння інцыдэнту.