У Талачынскім раёне на чыгуначным пераездзе захрас аўтавоз
У Талачынскім раёне ратавальнікі вызвалілі чыгуначны пераезд, на якім захрас аўтавоз.
Здарэнне адбылося вечарам 30 мая ў вёсцы Звянячы. Відавочцы заўважылі машыну, якая заблакавала рэйкі, і патэлефанавалі ў службу выратавання.
Разлік МНС з дапамогай пажарнай аўтацыстэрны адбуксіравалі цяжкавоз у бяспечнае месца і вызвалілі рэйкі.
Інцыдэнт паўплываў на графік руху электрацягніка Мінск — Орша, які пайшоў з невялікім спазненнем.