На змену балеткам прыйшоў новы модны абутак
Туфлі для джазу становяцца галоўным абутковым трэндам лета.
Дэрбі ад Soeur Orso. Фота брэнду
Спачатку адбылося адраджэнне балетак, пасля балетных красовак, а цяпер на першы план выходзяць туфлі для джаза (джазоўкі), піша Harper’s Bazaar.
Іх называюць па-рознаму: оксфарды, дэрбі ці лоферы на шнуроўцы. Аднак усе яны маюць агульныя рысы: яны сядзяць на назе як пальчатка, маюць шнуроўку спераду і ледзь прыкметны шырокі абцас.
Оксфарды Zizi ад брэнда Repetto, упершыню выпушчаныя ў 1970‑я гады, перажываюць новы бум дзякуючы нядаўнім калабарацыям гэтага танцавальнага брэнда з супермадэллю Каяй Гербер.
Оксфарды Zizi ад брэнда Repetto. Фота брэнду
Адразу пасля таго, як белыя оксфарды з'явіліся на паказах вясна-лета 2025 такіх брэндаў, як Chanel, Ujoh, Pasqualetti і Moschino, пісьменніца Леандра Медзін Коэн у сваім блогу на Substack назвала іх «пераемнікамі туфляў Мэры Джэйн і наступным вірусным абуткам на плоскай падэшве».
Джазоўкі ад Zara. Фота брэнду
Пасля таго як мадэлі на шнуроўцы сталі асновай дэбютнага паказу дызайнера Майкла Райдэра для Celine, гэты сілуэт імкліва распрадаецца. У калекцыях вясна-лета 2026 на подыумах з'явілася мноства розных колераў — ярка-чырвоны, кобальтавы і жоўты — разам з традыцыйнымі чорным і белым.
Джазоўкі ад Celine. Фота брэнду
А зусім нядаўна актрыса Шарліз Тэрон абула крэмавыя джазоўкі для прэс-туру ў Нью-Ёрку, што выклікала ажыятаж у інтэрнэце і канчаткова замацавала іх вяртанне ў моду.