У Маладзечне загінуў матацыкліст
Здарэнне адбылося ўчора вечарам на вуліцы Вялікі Гасцінец паблізу аўтазаправачнай станцыі №29, паведамляе ДАІ.
36‑гадовы мужчына на Suzuki рухаўся ў напрамку Мінска. На закругленні дарогі не даў рады кіраванню, пасля чаго транспартны сродак з'ехаў на правую абочыну.
Матацыкл урэзаўся ў металічную агароджу і перакуліўся. Ад атрыманых траўмаў кіроўца загінуў на месцы здарэння.