15 расійскіх вайскоўцаў загінула ад ракетнага ўдару па казармах пад Сімферопалем
Удар быў нанесены па дыслакацыі 126‑й асобнай брыгады берагавой абароны — в/ч 12676 у Перавальным у Крыме.
УСУ нанеслі ўдар па месцы дыслакацыі 126‑й асобнай брыгады берагавой абароны (в/ч 12676, Перавальнае пад Сімферопалем), паведамляе тэлеграм-канал «Дасье шпіёна».
Удар быў нанесены з выкарыстаннем дзвюх ракет і двух рэактыўных БПЛА.
У выніку ўдару пашкоджаныя памяшканні казармаў і сталовай.
Загінулі 15 вайскоўцаў, яшчэ 26 атрымалі раненні рознай ступені цяжкасці.