Лаўроў прыляціць у Мінск на наступным тыдні
Пра гэта заявіла афіцыйная прадстаўніца МЗС Расіі Марыя Захарава на брыфінгу ў межах Пецярбургскага міжнароднага эканамічнага форуму, піша ТАСС.
Фота: Alexander Nemenov / Pool Photo via AP
«З 14 па 15 чэрвеня кіраўнік расійскага знешнепалітычнага ведамства Сяргей Лаўроў наведае Мінск з працоўным візітам. Праграмай знаходжання прадугледжана яго аўдыенцыя ў Аляксандра Лукашэнкі і перамовы з міністрам замежных спраў Максімам Рыжанковым у вузкім і шырокім фарматах», — адзначыла дыпламат.