Беларускія сапёры ўдзельнічаюць у размініраванні Курскай вобласці
Пра гэта заявіў на Пецярбургскім міжнародным эканамічным форуме губернатар Аляксандр Хінштэйн.
Ілюстрацыйнае фота: Mobileostrov.ru
«У гэтым годзе ў размініраванні таксама ўдзельнічаюць спецыялісты з брацкай Беларусі, з іх супрацьміннага цэнтра», — сказаў ён «РІА Навіны».
«На сённяшні дзень размініравана больш за 168 тысяч гектараў тэрыторый, больш за 880 кіламетраў дарог, звыш 18 тысяч будынкаў і збудаванняў. Знішчана амаль 3 мільёны выбуханебяспечных прадметаў. Усяго ачышчана 92 населеныя пункты», — расказаў губернатар.