Новыя грузавікі вызвалілі ад утылізацыйнага збору
У Беларусі ўвялі льготныя ўмовы для міжнародных грузаперавозчыкаў. Адпаведны ўказ падпісаў Аляксандр Лукашэнка.
Здымак ілюстрацыйны. Фота: LookByMedia
Згодна з дакументам, у 2026 годзе ад выплаты ўтылізацыйнага збору вызваляюцца грузавыя аўтамабілі ўзростам не больш за тры гады з даты выпуску, якія адпавядаюць экалагічнаму класу 5 або вышэй. Ільгота таксама распаўсюджваецца на прычэпы і паўпрычэпы.
Мяркуецца, што гэтыя меры дапамогуць беларускім перавозчыкам абнаўляць свой аўтапарк і павысіць іх канкурэнтаздольнасць на міжнародным рынку. Улады лічаць, што гэта будзе спрыяць росту экспарту транспартных паслуг і развіццю экспартаарыентаваных галін эканомікі.
Чытайце таксама:
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў
Стаўкі ўтылізацыйнага збору зменяцца з 29 красавіка
Урад павялічыў стаўкі ўтылізацыйнага збору
У Беларусі вырастуць цэны на некаторыя аўтамабілі, а выбар стане меншым. Вось чаму