На радзіме Кузьмы Чорнага пройдзе літаратурна-музычны фестываль
20 чэрвеня на радзіме Кузьмы Чорнага ў Капыльскім раёне пройдзе V літаратурна-музычны фестываль «Цімкавіцкія вытокі».
Сёлета музычная праграма юбілейных «Цімкавіцкіх вытокаў» абяцае быць насычанай. На галоўнай сцэне выступяць народны сямейны ансамбль «Жывіца», артыстка эстрады Святлана Шыманская, а таксама творчыя калектывы Капыльшчыны, паведамляе «Суполка беларускіх пісьменнікаў».
Гасцей чакаюць сустрэчы з пісьменнікамі, музейныя квэсты і квізы, майстар-класы, інтэрактыўныя пляцоўкі для дзяцей і дарослых.
У Літаратурным музеі Кузьмы Чорнага пройдуць экскурсіі і традыцыйнае чаяванне «Каля самавара Кузьмы Чорнага», дзе можна будзе даведацца пра старонкі з жыцця класіка і адчуць асаблівую атмасферу гасціннасці Цімкавічаў.
Таксама будуць працаваць выставы-продажы майстроў народнай творчасці.
Пачатак а 16-й
Музей арганізуе трансфер Мінск — Цімкавічы — Мінск. Квіткі — 35 рублёў. Браніраванне месцаў: +375 (17) 363-94-65.
Квіткі можна набыць у касе Дзяржаўнага музея гісторыі беларускай літаратуры (Мінск, вул. М.Багдановіча, 13).