Зборная Беларусі разграміла ў таварыскім матчы сірыйцаў
Зборная Беларусі па футболе ўпэўнена перамагла каманду Сірыі ў таварыскім матчы ў Мінску з лікам 4:1.
Фота: БелТА
Беларусы выйшлі наперад ужо на 3‑й хвіліне сустрэчы, калі пасля перадачы з правага фланга вызначыўся Уладзіслаў Марозаў. Неўзабаве Арцём Канцавы падвоіў перавагу гаспадароў.
Пасля перапынку беларуская каманда працягвала дамінаваць на полі. На 48‑й хвіліне Арцём Шуманскі дакладным ударам з-за межаў штрафной пляцоўкі забіў трэці гол. Напрыканцы матча вызначыўся Яўген Яблонскі, пасля чаго сірыйцы здолелі забіць мяч прэстыжу.
Гэта была другая сустрэча паміж зборнымі Беларусі і Сірыі. Папярэдні матч адбыўся ў 2022 годзе ў Дубаі і таксама завяршыўся перамогай беларусаў — 1:0.
Наступны кантрольны матч зборная Беларусі правядзе 9 чэрвеня ў Мінску супраць каманды Буркіна-Фасо.
Сёлета каманда Віктара Ганчарэнкі выйграла ўжо тры таварыскія сустрэчы запар. Раней беларусы перамаглі зборныя Кіпра (1:0) і Арменіі (2:1).
Увосень нацыянальная каманда выступіць у новым розыгрышы Лігі нацый УЕФА, дзе яе сапернікамі стануць зборныя Фінляндыі, Сан-Марына і Албаніі.
Чытайце таксама:
Віктар Ганчарэнка сустрэўся з беларускім вундэркіндам з мадрыдскага «Рэала» ФОТАФАКТ
Былы галоўны трэнер зборнай Беларусі Карлас Алос знайшоў працу