Лабавое сутыкненне ў Магілёўскім раёне: чатыры чалавекі ў бальніцы
ДТЗ здарылася ўчора каля 22:20 на дарозе Орша — Шклоў — Магілёў, паведамляе «Міліцыя Магілёўшчыны».
38‑гадовы мужчына за рулём Mitsubishi не справіўся з кіраваннем і выехаў на паласу сустрэчнага руху, дзе сутыкнуўся з Audi, якой кіравала 41‑гадовая жанчына.
Кіроўца Audi і тры пасажыры Mitsubishi (32, 41 і 54 гады) з траўмамі рознай ступені цяжкасці былі шпіталізаваныя.