Прызначана галоўная рэдактарка «СБ. Беларусь сегодня»
Раней Вольга Ануфрыева ўзначальвала «Звязду».
Аляксандр Лукашэнка прызначыў 48‑гадовую Вольгу Ануфрыеву кіраўніком выдавецкага дома «Беларусь сёння» («СБ. Беларусь сегодня»).
Са снежня 2024 года яна займала пасаду дырэктара — галоўнага рэдактара выдавецкага дома «Звязда», а да таго працавала галоўнай рэдактаркай у іншым дзяржаўным выданні — газеце «Рэспубліка».
Ануфрыева — гродзенка, яна скончыла факультэт гісторыі і сацыялогіі Гродзенскага дзяржаўнага ўніверсітэта, была галоўнай рэдактаркай «Вячэрняга Гродна».
Ранейшы кіраўнік «Беларусь сёння» Дзмітрый Жук быў прызначаны міністрам інфармацыі.