Зборную Англіі абакралі на чэмпіянаце свету па футболе
Скралі ўсё трэніровачнае абсталяванне, пакінулі адзін футбольны мяч.
Свой першы матч на мундыялі Англія згуляе ў сераду супраць Харватыі (23:00). Фота: Eddie Keogh — The FA/The FA via Getty Images
Зборная Англіі стала ахвярай зладзеяў на ЧС-2026 у ЗША. Былі скрадзеныя буцы футбалістаў, афіцыйныя мячы турніру і ключавое трэніровачнае абсталяванне, паведамляе Daily Mail.
Крадзеж адбыўся падчас перавозкі грузу з Фларыды на базу нацыянальнай каманды ў Канзас-Сіці, дзе англічане будуць знаходзіцца як мінімум наступныя тры тыдні.
Каманда трэнера Томаса Тухеля 13 чэрвеня павінна была правесці першую трэніроўку ў Канзасе, але цяпер персанал спрабуе высветліць, што было скрадзена і што засталося.
Застаўся толькі адзін мяч.
«Мы расследуем магчымы крадзеж абсталявання з транспартнага сродку каманды, які прыбыў у Канзас-Сіці. Расследаванне працягваецца», — паведамілі ў паліцэйскім упраўленні Канзас-Сіці.
Чытайце таксама:
Зборная ЗША з буйным лікам перамагла Парагвай
Канада і Боснія згулялі першы матч на чэмпіянаце свету ўнічыю
У Мексіцы прайшла першая цырымонія адкрыцця чэмпіянату свету па футболе
Шакіра — першая спявачка, якая выступіла на чатырох чэмпіянатах свету