У Расіі затрымалі студэнта, які замовіў піцу на імя Адольфа Гітлера
Супраць яго склалі пратакол аб «прапагандзе фашызму».
У Ніжнім Тагіле паліцэйскія затрымалі студэнта, які замовіў піцу ў «Додо Піца» на імя Адольфа Гітлера. Супраць яго склалі пратакол аб «прапагандзе фашызму», піша «Дождь».
«Забралі яго па месцы навучання. Аказваць супраціўленне або паспешліва ўцякаць ён не спрабаваў, у сваім учынку раскаяўся», — заявілі ў мясцовай паліцыі.
Увагу на ўчынак студэнта звярнуў дэпутат рэгіянальнага заканадаўчага сходу Аляксей Свалаў: «У «Додо Піца» малады чалавек зрабіў заказ пад нумарам 160 у 18:52. Імя ўказаў: «Адольф Гітлер». Усё гэта адбывалася на вачах майго сябра — удзельніка «СВА».
«Я не ўяўляю, якімі сіламі ён стрымаўся, каб не ўдарыць яго тварам аб стол, але лічу, што для вас гэта цалкам канкрэтны кейс», — сказаў ён.