527 рэйсаў адменена і затрымана ва ўсіх аэрапортах Масквы праз атаку беспілотнікаў
Самая напружаная сітуацыя ў аэрапорце «Шарамеццева».
Тут на вылет адменена 50 рэйсаў і затрымана 71. На прыбыццё скасавана 60 рэйсаў і затрымана 76, піша Shot.
Ва «Унукава» на вылет скасавана 24 рэйсы і затрымана 56. На прыбыццё адменена 17 рэйсаў і затрымана 77.
У «Дамадзедава» на вылет скасавана дзевяць рэйсаў і затрымана 16. На прыбыццё адменена 10 рэйсаў і затрымана 56.
У «Жукоўскім» мінімум чатыры рэйсы затрымана на вылет і мінімум адзін адменены на прыбыццё. Сістэма анлайн-табло перагружаная.
На падлёце да Масквы былі збітыя 194 беспілотнікі, па заявах расійскіх уладаў.