Купалле заўтра будуць святкаваць у «Суле» і Азярцы
І там, і там абяцаюць класічнае Купалле ў самую кароткую ноч года.
У парку гісторыі «Сула» ў суботу абяцаюць купальскую праграму ў гістарычным парку.
Вас чакаюць вогнішча, абрады, тэматычныя актыўнасці, вечаровая атмасфера.
Кошт удзелу — 25‑45 рублёў
У Музеі народнай архітэктуры і побыту ў Азярцы святкаванне пачнецца а 19-й.
Арганізатары абяцаюць класічнае Купалле, дзе будуць плясці вянкі, распальваць вогнішча, вадзіць карагоды, праводзіць майстар-класы, а таксама фальклорныя выступы.
Кошт удзелу 15‑30 рублёў
У наступную суботу, 27 чэрвеня, плануецца аддзначэнне «Купалля» ў мінскай прасторы «Рэха».
Гэта па-сапраўднаму насычаныя 12 гадзін свята музыкі і беларускай культуры ў сучасным фармаце!
«Будзе стылёва, якасна і адначасова ўтульна, усё, як мы любім!», адзначаюць арганізатары.
У праграме — Pavluchenko, Nevika, «Лайтовы бізнэс», «Барысаўскі. тракт» ды інш.