Двое дзяцей ледзь не патанулі ў Навагрудку
Здарэнне адбылося на ратавальнай станцыі «Маладзёжнае», піша БелТА.
Падчас дзяжурства Мікалай Шыш заўважыў рэзкія ўсплёскі на глыбіні. Двое дзяцей — васьмігадовы хлопчык і дзесяцігадовая дзяўчынка — заплылі занадта далёка і пачалі тануць. Дзяўчынка яшчэ трымалася на вадзе, махала рукамі і крычала, а яе малодшы брат ужо ішоў на дно.
Матрос-ратавальнік імгненна кінуўся ў ваду, даплыў да дзяцей, схапіў абодвух і выцягнуў на бераг. Ратавальнікі аказалі першую дапамогу і адразу перадалі дзяцей брыгадзе хуткай медыцынскай дапамогі.