У Рэчыцы пройдуць вучэнні са стрэламі і выбухамі

24 чэрвеня ў Рэчыцы пройдуць планавыя тактыка-спецыяльныя вучэнні па ахове аб’ектаў, паведаміў Рэчыцкі райвыканкам.

Цэнтр Рэчыцы. Здымак ілюстрацыйны. Фота: belarus.by

Вучэнні будуць праводзіцца з 6:00 да 8:00 раніцы. У гэты час жыхары горада могуць чуць гукі стрэлаў і выбухаў, звязаныя з адпрацоўкай вучэбных задач.

У райвыканкаме заклікалі грамадзян захоўваць спакой і не хвалявацца. Ніякіх дадатковых дзеянняў ад насельніцтва не патрабуецца.

Мерапрыемства носіць планавы характар і праводзіцца ў межах падрыхтоўкі адпаведных службаў.

Каментары да артыкула