На чыгуначнай станцыі ў Мінскім раёне адбыўся выцек хімічнага рэчыва
Як паведамляе прэс-служба МНС, з бочак, якія знаходзіліся ў кантэйнеры на чыгуначнай платформе, адбывалася кропельнае выцяканне рэчыва талуілендыізацыянат.
Скрыншот з відэа
Чыгуначную платформу адчапілі ад саставу і накіравалі на перагон для далейшай разгрузкі бочак і высвятлення месца ўцечкі.
Пацярпелых няма, затрымак пасажырскіх і грузавых цягнікоў не зафіксавана.
На месцы здарэння працуюць падраздзяленні МНС, у тым ліку спецыялісты рэспубліканскага атрада спецыяльнага прызначэння «Зубр».
На якой менавіта станцыі адбылося гэта здарэнне, не ўдакладняецца.