У Венесуэле выратавалі 60‑гадовую жанчыну пасля 86 гадзін пад заваламі
Аперацыя па выратаванні доўжылася 11 гадзін.
Ілюстрацыйнае фота: Ariana Cubillos / AP
Ратавальнікі дасталі з-пад завалаў у Венесуэле 60‑гадовую Белкіс Хасефіну Барэта Гарсію, якая пасля землятрусу правяла пад абломкамі будынка ў Карабальедзе 86 гадзін. Пра гэта паведаміў прэзідэнт Сальвадора Наіб Букеле ў сацыяльнай сетцы X.
Аперацыя па выратаванні доўжылася 11 гадзін. У ёй удзельнічалі ратавальнікі з Сальвадора і Перу.
Пасля вызвалення дактары стабілізавалі стан жанчыны ў палявым лагеры, аднак ён застаецца цяжкім. Для далейшага лячэння яе даставілі прыватным верталётам у клініку ў Каракасе.
Чытайце таксама:
У Венесуэле 11‑гадовага хлопчыка жывога дасталі з-пад завалаў праз 70 гадзін пасля землятрусу
Колькасць ахвяр землятрусу ў Венесуэле перавысіла 1400 чалавек