Двух пацярпелых у Бранскай вобласці дзяцей плануюць выпісаць дадому
Мінздароўя расказала, якая сітуацыя з пацярпелымі ж выніку ўдару 17 чэрвеня па аўтобусе ў Бранскай вобласці беларусамі.
«Сёння днём плануецца выпіска двух дзяцей, якія праходзілі лячэнне ў РНПЦ дзіцячай хірургіі. Іх стан здавальняючы, яны будуць накіраваны дадому ў Гомельскую вобласць», — паведамілі ў Мінздароўя.
Паводле слоў дырэктара РНПЦ Канстанціна Драздоўскага, пацыентам была аказана ўся неабходная высокатэхналагічная медыцынская дапамога.
Адно дзіця працягвае лячэнне ў РНПЦ дзіцячай хірургіі.
Двое пераведзеныя ў 6‑ю гарадскую клінічную бальніцу Мінска, таксама працягваюць лячэнне. Хірургічныя аперацыі прайшлі паспяхова, беларускія медыкі працягваюць аказваць пацярпелым усю неабходную медыцынскую дапамогу ў поўным аб’ёме.
Што тычыцца дарослага пацярпелага, яго стан ацэньваецца як стабільны, пацыент упэўнена ідзе на папраўку.
Раней паведамлялася, што сітуацыя з ударам па аўтобусе сёння вечарам будзе абмеркаваная на пасяджэнні Рады бяспекі ААН.
Інцыдэнт з беларускім аўтобусам здарыўся 17 чэрвеня ў Бранскай вобласці. Тады быў пашкоджаны аўтобус, які перавозіў дзяцей з футбольнай каманды дзіцяча-юнацкай спартыўнай школы №2 горада Рэчыцы, а таксама навучэнцаў прыватнай танцавальнай студыі. Расійскія ўлады сцвярджалі, што ўдар быў нібыта нанесены ўкраінскім беспілотнікам.
У выніку здарэння загінула жанчына, якая суправаджала групу дзяцей і была жонкай трэнера каманды. Яшчэ восем чалавек, у тым ліку шасцёра дзяцей, атрымалі траўмы рознай ступені цяжкасці. Іх усіх адразу ў Беларусь.