Трамп паказаў макет новай 100‑даляравай банкноты са сваім подпісам
Подпіс змешчаны над подпісам міністра фінансаў Скота Бесэнта.
У пятніцу прэзідэнт ЗША апублікаваў выяву новай 100‑даляравай банкноты са сваім подпісам. Гэта адбылося праз некалькі месяцаў пасля таго, як Міністэрства фінансаў ЗША абвясціла пра такія планы.
Яшчэ ў сакавіку міністр фінансаў ЗША Скот Бесэнт паведаміў, што адміністрацыя ўпершыню плануе размясціць подпіс Трампа на амерыканскіх папяровых грашах у гонар 250‑годдзя Злучаных Штатаў, піша РБК-Украіна.
У ноч на 4 ліпеня Трамп асабіста паказаў, як будзе выглядаць гэтая банкнота. На выяве подпіс кіраўніка ЗША размешчаны над подпісам Бесэнта.
Раней на 100‑даляравай банкноце былі толькі подпісы міністра фінансаў і казначэя ЗША, але не дзейнага прэзідэнта. Такім чынам, пры Трампе гэта адбываецца ўпершыню.
«Уклад прэзідэнта ў гісторыю як архітэктара эканамічнага адраджэння Амерыкі ў Залаты век бясспрэчны. Размяшчэнне яго подпісу на амерыканскіх грашах не толькі дарэчнае, але і цалкам заслужанае», — казаў Бесэнт у сакавіку.
Журналісты CNN звярнуліся ў Міністэрства фінансаў ЗША з пытаннем, ці ўжо друкуюцца такія банкноты.