Чэмпіянат Еўропы па стральбе перанеслі з Эстоніі праз адмову прыняць беларусаў
Чэмпіянат Еўропы 2027 года па стральбе з пнеўматычнай зброі перанясуць з Таліна ў іспанскую Гранаду пасля таго, як Эстонія адмовілася дапусціць да ўдзелу спартсменаў з Беларусі ды Расіі.
Здымак ілюстрацыйны. Фота: vecteezy.com
Еўрапейская стралковая канфедэрацыя (ESC) паведаміла, што турнір пройдзе з 3 да 9 сакавіка 2027 года ў Гранадзе.
У арганізацыі патлумачылі, што чэмпіянат стане адборачным турнірам да летніх Алімпійскіх гульняў 2028 года ў Лос-Анджэлесе, а таксама да Еўрапейскіх гульняў 2027 года. Таму ўдзел у ім павінны мець магчымасць усе спартсмены, якія адпавядаюць крытэрыям допуску.
Міжнародная федэрацыя спартыўнай стральбы (ISSF) дазваляе беларускім і расійскім спартсменам выступаць на міжнародных спаборніцтвах у нейтральным статусе.
Чытайце таксама:
Беларускі вясляр заваяваў залаты медаль на чэмпіянаце Еўропы
Баксёр Дзмітрый Асанаў святкаваў сваю чарговую перамогу ў традыцыйным беларускім строі
Зборная Латвіі адмовілася гуляць супраць Беларусі. Яе пакаралі