У Слоніме амапаўцы вучылі мясцовых сілавікоў разганяць пратэсты

У Слонімскім раёне правялі тактыка-спецыяльныя заняткі па павышэнні кваліфікацыі супрацоўнікаў міліцыі. У трэніроўках удзельнічалі супрацоўнікі мясцовага РАУС, а ў якасці інструктараў ім прыслалі амапаўцаў з Гродна.

Камандзір АМАП падпалкоўнік міліцыі Кірыл Ганчароў заявіў, што галоўная мэта заняткаў — «праверка гатоўнасці асабовага складу і адпрацоўка сумесных дзеянняў у выпадку ўзнікнення, лакалізацыі і спынення масавых беспарадкаў».

Асаблівую ўвагу надалі манеўранасці тактычных груп у сродках індывідуальнай абароны. Пад кіраўніцтвам інструктараў слонімскія міліцыянеры адпрацоўвалі выкарыстанне спецыяльных сродкаў, у тым ліку бронешчытоў.

Падчас вучэнняў былі змадэляваныя сцэнарыі разгортвання баявых парадкаў для ачаплення тэрыторыі, стрымлівання і раз'яднання ўмоўнай групы пратэстоўцаў.

Каментары да артыкула