У палітзняволенай Таццяны Колас выявілі анкалагічнае захворванне
Пра гэта піша «Вясна».
Палітзняволеную Таццяну Колас утрымліваюць у зняволенні больш за чатыры гады. У кастрычніку 2022 года былую супрацоўніцу Мінгарвыканкама асудзілі па «справе ЧКБ» да 6,5 гадоў калоніі. Яе прызналі вінаватай паводле чатырох крымінальных артыкулаў.
У зняволенні ў жанчыны сур'ёзна пагоршылася здароўе.
Па інфармацыі «Вясны», у Таццяны знайшлі анкалагічнае захворванне. Для далейшага абследавання і лячэння жанчыну мусяць перавесці ў лякарню, але зрабіць гэта плануюць толькі праз некалькі месяцаў.
Акрамя таго, Таццяна пакутуе ад моцнага болю ў спіне.