Пасажырскі самалёт разбіўся на Багамах — усе 10 пасажыраў загінулі
На Багамах пацярпеў крушэнне самалёт Cessna 402 авіякампаніі Flamingo Air.
Усе 10 чалавек, якія знаходзіліся на борце, загінулі. Самалёт вылецеў з аэрапорта ў Насау і накіроўваўся ў Сан-Андрас, аднак разбіўся незадоўга да пасадкі.
Пасля катастрофы ўлады ў якасці меры засцярогі часова прыпынілі палёты авіякампаніі Flamingo Air.
У той жа дзень адбыўся яшчэ адзін інцыдэнт з самалётам гэтай авіякампаніі: рэйс быў вымушаны вярнуцца ў аэрапорт пасля паведамлення пілота пра праблему. Пасажыраў эвакуявалі, пасля чаго самалёт загарэўся.