Сабаленка ў аўторак адкрые ў Мінску корты на тэрыторыі сваёй школы
Беларуская тэнісістка і першая ракетка свету Арына Сабаленка правядзе сустрэчу з заўзятарамі ў Мінску.
Фота: Robert Prange/Getty Images
Гэта будзе па адрасе: завулак Казлова, 11 (пачатак — а 15:00). Лідарка рэйтынгу WTA адкрые грунтавыя тэнісныя корты на тэрыторыі сваёй роднай школы, паведамляе firstandredcom.
Таксама Сабаленка правядзе майстар-клас, пагутарыць з наведвальнікамі мерапрыемства і раздасць аўтографы.
Нагадаем, што сёлета на Уімблдоне (Адкрытым чэмпіянаце Англіі па тэнісе) Арына выбыла ў 1/4 фіналу, прайграўшы Наомі Осацы 2:6, 6:7.
Але Сабаленка захавае за сабой званне першай ракеткі свету, якое трымае з кастрычніка 2024 года.
У фінале жаночага Уімблдона сёння згуляюць чэшкі Караліна Мухава і Лінда Носкава, у фінале мужчынскага заўтра Янік Сінер і Аляксандр Звераў.