Адрыў Сабаленкі ў сусветным рэйтынгу скараціўся да мінімуму
Сусветная жаночая асацыяцыя апублікавала новы рэйтынг-ліст.
Фота: Robert Prange/Getty Images
Арына Сабаленка працягвае займаць першы радок, але яе адрыў ужо невялікі.
У Арыны — 8550 балаў, у Алены Рыбакінай — 8143. Прадстаўніца Казахстана адстае на 407 балаў і найбліжэйшым часам можа здагнаць беларуску пры няўдалым выступленні апошняй. Некалі адрыў складаў амаль 1500 балаў, а тыдзень таму быў 947 балаў.
Нагадаем, на Уімблдоне Сабаленка выбыла ў 1/8 фіналу, а Рыбакіна вылецела яшчэ раней.
Трэці радок у амерыканкі Джэсікі Пегулы (6301), амерыканка Како Гаўф — чацвёртая (5649), расіянка Міра Андрэева — пятая (5293).
Затым ідуць чэшка Караліна Мухава (5168) і пераможца Уімблдона Лінда Носкава (5119).
А вось полька Іга Свёнтак не змагла абараніць тытул на Уімблдоне, у яе згарэлі 2000 балаў, якія даюцца за перамогу на турніры, і яна апусцілася з трэцяга на восьмае месца, у яе цяпер 4539 балаў.
Сабаленка займае першы радок у сусветным рэйтынгу з кастрычніка 2024 года, а заўтра ў Мінску адкрые корты ў школе, дзе вучылася.