У Гродзенскім заапарку альпака катае на спіне дагестанскае тураня ВІДЭА
У тэлеграм-канале Гродзенскага заапарка паказалі незвычайны прыклад сяброўства паміж рознымі відамі жывёл.
Скрыншот з відэа
У Гродзенскім заапарку вальеры дагестанскіх тураў і альпакаў знаходзяцца побач. І маленькая самка тура часта пакідае свой вальер ды наведваецца ў госці да сваіх пухнатых суседзяў.
На тэрыторыі альпак яна з задавальненнем бегае, скача і гуляе. Асабліва ёй падабаецца залазіць ім на спіны і катацца.
Супрацоўнікі заапарка адзначаюць, што альпакі спакойна ставяцца да такой гарэзніцы. Паводле іх назіранняў, жывёлы не пярэчаць супраць такога незвычайнага «масажу» і ўспрымаюць яго цалкам спакойна.
Чытайце таксама:
У Гродзенскім заапарку стары воўк памёр, дачакаўшыся ваўчанят сабе на замену
У Гродзенскім заапарку нарадзілася малое ў пары якаў ВІДЭА