Трамп заявіў, што хоча скончыць вайну ва Украіне да канца свайго прэзідэнцкага тэрміну
Раней прэзідэнт ЗША называў некалькі тэрмінаў.
Win McNamee/Getty Images
Дональд Трамп заявіў у інтэрв'ю Fox News, што лічыць магчымым завяршэнне канфлікту ва Украіне да заканчэння свайго прэзідэнцкага тэрміну.
Наступныя прэзідэнцкія выбары ў ЗША пройдуць праз два гады, у лістападзе 2028 года, а афіцыйна ягоны тэрмін скончыцца ў студзені 2029 года з прыняццём прысягі новаабраным прэзідэнтам.
Раней Дональд Трамп называў некалькі крайніх тэрмінаў наконт сканчэння вайны ва Украіне.
Калі прэзідэнтам быў Джо Байдэн, то Трамп сцвярджаў, што здольны закончыць канфлікт за суткі, у пачатку вясны гэтага года называўся крайнім тэрмінам май гэтага года, потым дэдлайн да 4 ліпеня — Дня Незалежнасці ЗША і нават прамежкавыя выбары ў Кангрэс, што павінны прайсці ў пачатку лістапада гэтага года.