Беларуснафта: Дэфіцыту паліва на АЗС няма
Пра гэта заявілі на прадпрыемстве, каментуючы інфармацыю пра нібыта ўвядзенне ліміту на продаж паліва ў памежных рэгіёнах, піша БелТА.
Гаворка ішла пра АЗС у Віцебскай вобласці за два кіламетры ад мяжы з Пскоўскай вобласцю, дзе нібыта не прадаюць больш за 20 літраў паліва.
На прадпрыемстве афіцыйна заявілі, што падобныя паведамленні, якія распаўсюджваюцца ў інтэрнэце, не маюць падстаў: «Дэфіцыту паліва на нашых АЗС няма».
Пры гэтым на памежных АЗС Віцебскай вобласці ёсць адно новаўвядзенне. «Яно звязана з неабходнасцю спачатку аплаціць паліва, а потым заправіцца. У астатнім — усё як звычайна», — падкрэсліў намеснік генеральнага дырэктара кампаніі Сяргей Каморнікаў.