Юдзіт Полгар адмовілася ад прапановы стаць прэзідэнтам Венгрыі
Легендарная венгерская шахматыстка Юдзіт Полгар адмовілася ад прапановы прэм'ер-міністра Петэра Мадзьяра балатавацца на пасаду прэзідэнта краіны, піша Euronews.
Юдзіт Полгар, фота з яе інстаграм
Полгар заявіла, што не гатовая ўзяць на сябе адказнасць за аб'яднанне грамадства, якое застаецца глыбока падзеленым. Пра тое, што шахматыстка адхіліла прапанову прэм'ер-міністра, паведаміў сам Петэр Мадзьяр.
«Я не адчуваю ў сабе сіл узяць на сябе гістарычную адказнасць за аб'яднанне падзеленай нацыі, таму не магу прыняць гэтае запрашэнне», — напісала яна ў сацыяльных сетках, падзякаваўшы за давер.
Мадзьяр прызнаў, што паспяшаўся з публічным абвяшчэннем яе кандыдатуры, не дачакаўшыся канчатковага рашэння шахматысткі. Нягледзячы на адмову, ён падкрэсліў, што і надалей высока цэніць спартсменку і спадзяецца на яе ўдзел у развіцці краіны ў іншай ролі.
Юдзіт Полгар лічыцца наймацнейшай шахматысткай у гісторыі.
Яна адзіная жанчына, якой удалося ўвайсці ў першую дзясятку сусветнага рэйтынгу сярод мужчын, а таксама першай сярод жанчын пераадолець мяжу ў 2700 пунктаў рэйтынгу Elo.
За сваю кар'еру яна перамагала многіх наймацнейшых шахматыстаў свету, у тым ліку Гары Каспарава і Барыса Спаскага.
Чытайце таксама:
Прэзідэнтам Венгрыі можа стаць вядомая шахматыстка Юдзіт Полгар