Легкавік збіў у Брэсце двух падлеткаў на самакаце
Здарэнне адбылося ў панядзелак каля 19:10 на Варшаўскай шашы.
38‑гадовы кіроўца Opel рухаўся па праездзе ад дома №11 па Варшаўскай шашы ў Брэсце.
Перад выездам на Варшаўскую шашу ён здзейсніў наезд на электрасамакат Eleven якім кіраваў 16‑гадовы падлетак, які перасякаў дарогу па нерэгуляваным пешаходным пераходзе, не спешыўшыся.
У выніку ДТЗ 16‑гадовую дзяўчыну-пасажыра электрасамаката даставілі ў бальніцу, паведамляе тэлеграм-канал абласной міліцыі.