ДТЗ у Буда-Кашалеўскім раёне: адзін чалавек загінуў, сем пацярпелі
Здарэнне адбылося сёння каля 10‑й раніцы на дарозе мяжа Расіі — Віцебск — Гомель — мяжа Украіны.
Адбылося сутыкненне аўтамабіляў Renault і Jetta VS7, паведамляе прэс-служба МУС.
У выніку ДТЗ загінула 65‑гадовая пасажырка аўтамабіля Renault. Шпіталізаваны 41‑гадовая кіроўца, мужчына (яго ўзрост высвятляецца), а таксама двое дзяцей — 16 і 11 гадоў.
З аўтамабіля Jetta VS7 у медыцынскую ўстанову дастаўлены 45‑гадовая кіроўца, 53‑гадовы пасажыр і 12‑гадовая дзяўчынка.