Раварыстка загінула сёння ў Салігорскім раёне
Здарэнне адбылося сёння каля 06:35 на дарозе Салігорск — Радкава, паведамляе ДАІ Міншчыны.
29‑гадовы кіроўца Renault, які ніколі не атрымліваў пасведчанне кіроўцы, здзейсніў наезд на 58‑гадовую жанчыну.
Жанчына на ровары перасякала дарогу ў раёне скрыжавання па-за пешаходным пераходам, які знаходзіўся ў зоне бачнасці.
Жанчына ад атрыманых траўмаў загінула на месцы.