Ратавальнікі ў Віцебску выцягнулі з канавы хлопчыка, які там тануў
Увечары 26 ліпеня на лінію 112 паступіла паведамленне пра дзіця, якое танула на вуліцы 33‑й Арміі, паведаміла МНС.
Пасля таго, як ратавальнікі прыбылі на месца здарэння, яны ўбачылі хлопчыка ў канаве, зарослай кустамі.
Дзіця вярталася дадому і вырашыла скараціць шлях праз канаву, але паслізнулася і ўпала ў ваду.
Работнікі МНС дасталі хлопчыка на бераг. Ён не пацярпеў.