Лукашэнка запатрабаваў навесці парадак у Белавежскай пушчы
«Я не магу там усе паваленыя дрэвы высекчы», — заявіў ён.
Фота: AP Photo Pavel Bednyakov, Pool
Аляксандр Лукашэнка запатрабаваў навесці парадак у Белавежскай пушчы. Пра гэта ён заявіў падчас рабочай паездкі ў Брэст, піша БелТА.
«У Белавежскай пушчы трэба наводзіць парадак. Не толькі па дарозе, дзе я пралятаў, а ў Белавежскай пушчы ў цэлым. Там вельмі-вельмі шмат паваленых дрэў. Я незадаволены тым, што адбываецца ў Белавежскай пушчы, трэба наводзіць парадак. Я не магу там усе паваленыя дрэвы высекчы, парэзаць на дровы і гэтак далей», — заявіў Аляксандр Лукашэнка.