У Беларусі з'явіцца новая дэсантна-штурмавая брыгада. Яе размесцяць пад Гомелем
З пачатку 2026 года ў Беларусі фармуецца новае злучэнне Сіл спецыяльных аперацый — 37‑я асобная дэсантна-штурмавая брыгада.
Скрын відэа
Як паведаміў камандуючы ССА Аляксандр Ільюкевіч, афіцэрскі і асабовы склад ужо набраны, а ў 2027 годзе брыгаду перадыслакуюць у пункт пастаяннага базіравання пад Гомель.
Новая частка стане чацвёртым падобным злучэннем у складзе ССА нараўне з брыгадамі ў Віцебску, Брэсце і Мар'інай Горцы.