Сабаленка вылецела з турніру WTA-1000 у Таронта
Пройгрыш стаў для Сабаленкі шостым няўдалым турнірам у бягучым сезоне.
Першая ракетка свету Арына Сабаленка саступіла на стадыі 1/8 фіналу спаборніцтваў у Таронта расіянцы Кацярыне Аляксандравай ( 19‑ы нумар рэйтынгу WTA). Для беларускі гэта ўжо пятая параза ў дзесяці асабістых сустрэчах з Аляксандравай.
У чвэрцьфінале Аляксандрава згуляе з украінкай Элінай Світолінай.
Прайграны ж «тысячнік» стаў для Сабаленкі шостым няўдалым турнірам у бягучым сезоне з дзевяці, у якіх яна брала ўдзел.